Filmlər
Ümid filmi
Umid from Mars Hill Productions on Vimeo.
Xosrovun hekayəsi (İran)
Hələ uşaq ikən Xosrov həyatın “mənası nədir” deyə düşünərdi. Ətrafında hər şey onda sual yaradırdı. Niyə çiçəklərin rəngi var? Ulduzlardan arxada daha nələr var? Biz öləndən sonra haraya gedəcəyik? Amma bu suallara heç kim dəyərincə cavab verə bilmədiyindən Xosrov ruh duşkünlüyünə düşdü.
Bir dəfə o Assuriya məbədinin yanından keçirdi və bəzi suallarına cavab tapmaq ümidilə içəri daxil olmağı qərara aldı. Orada yalnız bir neçə yaşlı qadın və bir də ona bir qutu kitab verən yaşlı pastor var idi. Kitablar hamısı Fars dilində idi və onların arasında bir İncil kitabını tapib onu əvvəldən axıra kimi oxudu.
Məhəmmədin hekayəsi (Nigeriya)
Məhəmməd Fuliani qəbiləsindən olub 6 yaşından inək otarmağa başlamışdı. O, on il ərzində bu işlə məşğul oldu və sonra o, Quranı oxumaq üçün ərəb dilində dini məktəbə getdi. Məhəmməd İslam barəsində öz atasından eşitmişdi.
Bir neçə il oxuduqdan sonra o, öz evinə qayıtdı. Bir gecə o, çox qorxulu bir yuxu gördü. Yuxuda o, yol kənarında əzab çəkən insanları gördü və sonra bir qapıdan keçdi və bəzi adamlar onu tutub döydülər və sonra onu çox isti bir otağa salib qapısını bağladılar. O otaq o qədər isti idi ki, onun bədəni soyulub tökülürdü. O qışqırıb qapını açmağa çalışırdı ki, bu anda yuxudan oyandı. Həmin gecə o yata bilmədi. Növbəti gecə o başqa bir yuxu gördü. Bu yuxuda o başqa bir yolla gedirdi və o, çürüyən bədənləri görürdü. O yenə də həmin qapıya gəlib çıxdı, yenə də döyülüb həmin isti otağa salındı. Onun bədəni istidən əriyib tökülürdü, birdən ağ paltarlı bir adam otağda peyda oldu. Birdən otaq soyudu və onu döyən adamlar yox oldular. O ağ paltarlı adam əlini Məhəmmədə uzadıb dedi: “Oğlum, sən burda nə edirsən? Səni evinə aparmağımı istəyirsənmi?” Bir anın içində o, öz evlərinə qayıtdı və ağ paltarlı adam ona belə dedi: “Səni sevirəm, oğlum.”
Əlinin hekayəsi (Türkiyə)
Əli doqquz qardaşın ən böyüyü idi, amma belə bir böyük ailənin üzvü olmaq onda xoş xatirələr saxlamamışdı. Əli həmişə özünü ailəsi tərəfindən rədd olunmuş kimi hiss edər və uşaq vaxtı çox ağlayardı.
Əli 20 yaşı olanda içki içməyə başladı. 25 yaşına çatanda isə o artıq içki düşkünü idi. O, evə gələndə demək olar ki, hər gün arvadını döyürdü. Uşaqlar isə bunu görüb qorxudan məktəbdən evə deyil, dostlarının evinə gedib atası yatana kimi orda qalırdılar. Əli əslində içkini atmaq istəyirdi, arvadını incitdiyinə görə özünü pis hiss edirdi. Nəhayət, o belə qərara gəldi ki, Ərəbistana köçüb orada tikintidə işləsin, çünki eşitmişdi ki, orada içki içmək qadağandır. Amma Ərəbistana gələn günü axşam içki tapıb içdi.
Dininin hekayəsi (İndoneziya)
Ailənin ilk övladı olan 12 yaşlı Dini həmişə atasına yaxın idi. Atasının qəfil ölümü Dinini çox sarsıtdı. Atası sağ olarkən anasına xəyanət etdiyi aşkar olanda Dininin sarsıntısı qəzəbə çevrildi.
Əziyyətlərlə üzləşən dul qalmış anası Dinidən yaşca balaca olan üç övladını uşaq evinə verməli oldu. Dörd il sonra Diniyə xəbər verdilər ki, anası yenidən ailə qurur. Bu xəbər Diniyə çox pis təsir etdi və anlamadı ki, anası niyə bu barədə ona heç nə deməyib. Atası onu məyus etdiyi kimi, anası da onu ruhdan saldı və Dininin artıq bu həyatda etibar edəcəyi bir kəs qalmadı.
Xəlilin hekayəsi (Misir)
Xəlilin hələ uşaq yaşlarından Allah Kəlamına qarşı məhəbbəti olduğuna görə o, dini kitablar oxumağa ayələr əzbərləməyə öyrəşmişdi. Lakin o getdikcə daha da qatı dindar olurdu və onda məsihçilərə qarşı kəskin nifrət hissi yaranırdı və nəhayət o, bir gün məsihçilərə və məbədlərə hücum edən radikal terrorist qrupuna qoşuldu. Onun fikrincə məsihçilər onun ən qatı düşməni idi.